పాన్ ఇండియా స్టార్ ప్రభాస్ హీరోగా నటిస్తున్న కొత్త సినిమా కల్కి 2898 ఏడీ. సైన్స్ ఫిక్షన్ కథతో దర్శకుడు నాగ్ అశ్విన్ తెరకెక్కిస్తున్న ఈ భారీ బడ్జెట్ సినిమాను వైజయంతీ మూవీస్ సంస్థ నిర్మిస్తోంది. దీపికా పడుకోన్, అమితాబ్ బచ్చన్ కీలక పాత్రల్లో నటిస్తున్నారు. ఈ సినిమా షూటింగ్ క్లైమాక్స్ కు చేరుకుంది. ఈ క్లైమాక్స్ సీన్స్ కోసం భారీ సెట్ నిర్మిస్తున్నారట. ఈ సెట్ లో క్లైమాక్స్ సీన్స్ చిత్రీకరించనున్నారు. దీంతో సినిమా షూటింగ్ దాదాపు ముగింపునకు వస్తుంది.
షూటింగ్ తో పాటే పారెలల్ గా పోస్ట్ ప్రొడక్షన్ కార్యక్రమాలూ జరుపుతున్నారు. దీంతో మళ్లీ పోస్ట్ ప్రొడక్షన్ కోసం ప్రత్యేకంగా టైమ్ కేటాయించనక్కర్లేదు. సినిమాను వీలైనంత త్వరగా పూర్తి చేసి ఒకటికి రెండు సార్లు చెక్ చేసుకునే వీలు దొరుకుతుందని టీమ్ భావిస్తోంది. ఇక ఈ సినిమాను వచ్చే ఏడాది సంక్రాంతికి రిలీజ్ చేద్దామని ముందు అనుకున్నా…ఆ తేదీలో మార్పు ఉంటుందని తెలుస్తోంది. వైజయంతీ మూవీస్ కు బాగా కలిసొచ్చిన మే 9న కల్కి 2898 ఏడీ సినిమాను విడుదల చేస్తారని అంటున్నారు. ఇక ఇటీవల అమెరికా శాన్ డియాగో కామిక్ కాన్ లో రిలీజ్ చేసిన కల్కి టీజర్ ఆకట్టుకుంది.
