మెగాస్టార్ చిరంజీవి స్టైల్లోకి పాన్ ఇండియా స్టార్ ప్రభాస్ మారిపోతే ఎలా ఉంటుంది. ఇద్దరు స్టార్స్ అభిమానులు మళ్లీ మళ్లీ చూడాలనుకుంటారు. అలా చూపించే ప్రయత్నం చేసింది ప్రముఖ నిర్మాణ సంస్థ వైజయంతీ మూవీస్. చిరంజీవి బర్త్ డే సందర్భంగా ఇవాళ ప్రభాస్ కొత్త సినిమా కల్కి 2898 ఏడీ నుంచి ఒక చిన్న క్లిప్ ఎడిట్ రూమ్ నుంచి రిలీజ్ చేసింది. ఆ క్లిప్ లో చిరంజీవి గ్యాంగ్ లీడర్ సినిమాలో వెల్డింగ్ చేసినట్లు ప్రభాస్ గ్యాస్ టార్చ్ తో వెల్డింగ్ చేస్తున్నారు.
ఈ చిన్న వీడియో క్లిప్ ఎడిట్ సూట్ నుంచి రిలీజ్ చేస్తూ మెగాస్టార్ చిరంజీవికి బర్త్ డే విశెస్ తెలిపింది వైజయంతీ మూవీస్. చివరలో చిరు లీక్స్ నుంచి ఇన్స్ పైర్ అయి ఈ వీడియోను లీక్ చేసినట్లు పేర్కొన్నారు. చిరంజీవితో పలు సూపర్ హిట్ సినిమాలను రూపొందించిందీ సంస్థ. రామ్ చరణ్ ను చిరుత సినిమాతో లాంఛ్ చేసింది వైజయంతీ మూవీస్.
