బ్లాక్ బస్టర్ హారర్ సీక్వెల్ కాంచన 4(Kanchana 4)లో పూజా హెగ్డే(Pooja hegde) హీరోయిన్ గా కనిపించబోతోంది. ఆ మధ్య లారెన్స్(Lawrence raghava) కాంచన సిరీస్ లో నాలుగో మూవీని అనౌన్స్ చేశాడు. ఈ సినిమాకు సంబంధించిన ప్రీ ప్రొడక్షన్ వర్క్ ప్రస్తుతం జరుగుతోంది. కాంచన 4లో హీరోయిన్ గా పూజా హెగ్డేను సంప్రదించారని, ఆమె నటించేందుకు ఓకే చెప్పిందని తెలుస్తోంది. కాంచన 4 పూజా హెగ్డేకు ఒక డిఫరెంట్ మూవీ కానుంది. ఇప్పటిదాకా ఆమె హారర్ థ్రిల్లర్స్ చేయలేదు.
2007లో ముని(Muni) సినిమాతో కాంచన అసలు జర్నీ మొదలైంది. ఆ తర్వాత ముని పేరును కాంచనగా మార్చారు దర్శకుడు లారెన్స్. కాంచన సిరీస్ లో ఇప్పటికే కాంచన 2, కాంచన 3 – గంగ(Kanchana 3 -Ganga) సినిమాలు వచ్చాయి. మునితో కలుపుకుంటే ఈ కథలో వస్తున్న ఐదో చిత్రమిది. కాంచన పేరుతో వస్తున్న నాలుగో సినిమా. హారర్ సినిమాలకు ఎప్పుడూ క్రేజ్ ఉంటుంది. కాంచన 4పైనా ఈ ఎక్స్ పెక్టేషన్స్ ఉన్నాయి.
