పవర్ స్టార్ పవన్ కల్యాణ్ సోషల్ మీడియా ఫ్లాట్ ఫామ్ ఇన్ స్టాగ్రామ్ లోకి ఎంట్రీ ఇచ్చారు. ఆయన పేరుతో అక్కౌంట్ స్టార్టయిందని తెలియగానే అభిమానులు వేలాదిగా ఫాలో అవడం మొదలుపెట్టారు. పవన్ క్రేజ్ ఎలా ఉందంటే…కొద్ది సేపటికే ఆయన అక్కౌంట్ ను దాదాపు 3 లక్షలకు పైగా ఫాలో అవడం మొదలుపెట్టారు. ఇప్పటిదాకా ఒక్క పోస్ట్ కూడా చేయలేదు. పవన్ ఎవర్నీ ఫాలో అవడం లేదు.
పవన్ ఫొటోతో ఉన్న ఇన్ స్టాగ్రామ్ అక్కౌంట్ లో ఎలుగెత్తు, ఎదురించి, ఎన్నుకో .. జై హింద్ అనే క్యాప్షన్ రాసి ఉంది. ఏపీలో ఎన్నికల సమయం దగ్గరపడుతుండటంతో అన్ని సోషల్ మీడియా వేదికల నుంచి ప్రజలకు, ప్రేక్షకులకు, అభిమానులకు చేరువకావాలని పవన్ భావిస్తున్నారు. అందులో భాగంగానే ఇన్ స్టాలోకి అడుగుపెట్టారని తెలుస్తోంది.
