పవర్ స్టార్ పవన్ కల్యాణ్ కొత్త సినిమా ఓజీ నుంచి సెలబ్రేషన్స్ మొదలుకానున్నాయి. సెప్టెంబర్ 2న పవన్ పుట్టినరోజు సందర్భంగా ఈ సినిమా నుంచి స్పెషల్ గ్లింప్స్ రిలీజ్ చేయబోతున్నారు. ఈ విషయాన్ని నిర్మాణ సంస్థ డీవీవీ ఎంటర్ టైన్ మెంట్ ప్రకటించింది. ఈ సందర్భంగా ఓ పోస్టర్ ను కూడా రిలీజ్ చేసింది.
ఈ చిత్రాన్ని దర్శకుడు సుజీత్ రూపొందిస్తున్నారు. ప్రియాంక మోహన్ నాయికగా నటిస్తోంది. ప్రస్తుతం రెగ్యులర్ చిత్రీకరణలో ఉందీ సినిమా. పవన్ బర్త్ డేకు ఇప్పటినుంచే హంగామా మొదలైంది. ఆయన నటించిన గబ్బర్ సింగ్ సినిమా సెప్టెంబర్ 2న, గుడుంబా శంకర్ సినిమా సెప్టెంబర్ 1న రీ రిలీజ్ కాబోతున్నాయి. ఈ సినిమాలతో పాటు పవన్ నటిస్తున్న ఉస్తాద్ నుంచి, హరి హర వీరమల్లు నుంచి కూడా ఒక అప్ డేట్స్ ఇవ్వబోతున్నారు.
