మంచు విష్ణు హీరోగా నటిస్తున్న కొత్త సినిమా కన్నప్ప నుంచి హీరోయిన్ నుపూర్ సనన్ వెళ్లిపోయింది. ఈ విషయాన్ని మంచు విష్ణు ట్విట్టర్ ద్వారా తెలిపారు. భక్త కన్నప్ప కథతో దర్శకుడు ముఖేష్ సింగ్ ఈ సినిమాను రూపొందిస్తున్నారు. ఈ మూవీకి మంచు విష్ణునే నిర్మాత. రీసెంట్ గా లాంఛనంగా ప్రారంభమైన కన్నప్ప త్వరలో సెట్స్ మీదకు వెళ్లాల్సి ఉంది. అయితే ఇంతలో హీరోయిన్ సినిమా నుంచి వెళ్లిపోవడం చర్చనీయాంశం అయ్యింది. డేట్స్ అడ్జెస్ట్ మెంట్ వల్ల నుపూర్ కన్నప్ప నుంచి బయటకు వెళ్లిందని మంచు విష్ణు ట్వీట్ చేసినా…లోపల ఏదో ఇష్యూ జరిగే ఉంటుందనే అనుమానాలు కలుగుతున్నాయి.
మంచు విష్ణు చేసిన ఈ ట్వీట్ ను నెటిజన్స్ ట్రోల్ చేస్తున్నారు. నుపూర్ మీ ప్రాజెక్ట్ నుంచి వెళ్లిపోలేదు, ఎస్కేప్ అయ్యింది, నీ గత సినిమాల గురించి ఆమెకు చెప్పావా, లేక మీ నాన్న గొప్పదనం వివరించావా అంటూ కామెంట్స్ చేస్తున్నారు. మరికొందరు బ్రహ్మీ పోస్టర్స్ తో ట్రోల్స్ మొదలుపెట్టారు. మంచు హీరోల సినిమాల నుంచి హీరోయిన్స్ తప్పుకోవడం ఇది కొత్తకాదు. గతంలోనూ ఇలా జరిగిందంటున్నారు ఇండస్ట్రీ వాళ్లు. పాన్ ఇండియా స్థాయిలో రూపొందుతున్న కన్నప్పకు గట్టి టెక్నికల్ టీమ్ సెటప్ చేశాడు మంచు విష్ణు.
