ఎన్టీఆర్ హీరోగా నటిస్తున్న కొత్త సినిమా దేవర. ఈ సినిమాను దర్శకుడు కొరటాల శివ రూపొందిస్తున్నారు. ఎన్టీఆర్ట్స్ , యువసుధ ఆర్ట్స్ సంయుక్తంగా నిర్మిస్తున్నాయి. ఈ సినిమాలో ఎన్టీఆర్ సరసన జాన్వీ కపూర్ హీరోయిన్ గా నటిస్తోంది. దేవర ప్రస్తుతం రెగ్యులర్ షూటింగ్ లో ఉంది. ఈ సినిమా నుంచి ఒక ఇంట్రెస్టింగ్ అప్ డేట్ తెలుస్తోంది. దేవరలో ఎన్టీఆర్ డ్యూయల్ రోల్ లో కనిపించబోతున్నారనేది ఈ అప్ డేట్ లోని విషయం.
దేవరలో పవర్ ఫుల్ తండ్రి పాత్ర ఉందని, ఆ క్యారెక్టర్ కూడా ఎన్టీఆర్ చేస్తున్నారని సమాచారం. కథలోని ఇంపార్టెన్స్, పాత్రలోని స్ట్రెంత్ దృష్ట్యా ఈ క్యారెక్టర్ ను ఎన్టీఆర్ తోనే చేయించాలని దర్శకుడు కొరటాల నిర్ణయించారట. ఈ రెండు పాత్రల్లో ఎన్టీఆర్ ద్విపాత్రాభినయం సోల్ ఆఫ్ దేవర కానుందని అంటున్నారు.
కోస్టల్ ఏరియా బ్యాక్ డ్రాప్ లో తెరకెక్కుతున్న దేవరలో సైఫ్ అలీఖాన్ విలన్ గా కనిపించబోతున్నారు. తన గత చిత్రం ఆచార్యతో విమర్శలు తెచ్చుకున్న డైరెక్టర్ కొరటాల శివ ఈ సినిమాతో మళ్లీ తన ఫామ్ చూపించాలని అనుకుంటున్నారు. వచ్చే ఏప్రిల్ 5న దేవర రిలీజ్ కు డేట్ ఫిక్స్ చేశారు. పాన్ ఇండియా స్థాయిలో దేవర తెరపైకి రాబోతోంది.
