ప్రముఖ నిర్మాణ సంస్థ శ్రీ వెంకటేశ్వర క్రియేషన్స్ నిర్మాణంలో నితిన్ హీరోగా టాలెంటెడ్ డైరెక్టర్ శ్రీరామ్ వేణు రూపొందిస్తున్న తమ్ముడు సినిమా రిలీజ్ డేట్ కన్ఫర్మ్ చేసుకుంది. ఈ సినిమా వచ్చే ఏడాది మహాశివరాత్రి రోజున గ్రాండ్ గా థియేటర్స్ లోకి రానుంది. ఈ సినిమాను దిల్ రాజు, శిరీష్ నిర్మిస్తున్నారు. లయ ఓ కీలక పాత్రలో కనిపించనుంది.
తమ్ముడు సినిమా రిలీజ్ డేట్ అనౌన్స్ మెంట్ సందర్భంగా రిలీజ్ చేసిన పోస్టర్ ఆకట్టుకుంటోంది. కాగడా పట్టుకుని ఓ పాపను భుజాలపై మోస్తూ వెళ్తున్న నితిన్ స్టిల్ ను పోస్టర్ లో డిజైన్ చేశారు. ఊరి జనం నితిన్ కు అండగా కాగడాలతో రావడం పోస్టర్ లో ఆసక్తిని కలిగిస్తోంది. శ్రీరామ్ వేణు గత సినిమా వకీల్ సాబ్ సూపర్ హిట్టయ్యింది. ఇప్పుడు తమ్ముడు మూవీపైనా భారీ అంచనాలే ఉన్నాయి.
