స్టార్ హీరోయిన్ నయనతార వ్యక్తిగత, సినిమా కెరీర్ లోని విశేషాలతో రూపొందిన నయనతార డాక్యుమెంటరీ రిలీజ్ అయ్యింది. ఈ ట్రైలర్ లో నయనతార కెరీర్ తో పాటు జీవితంలో ఎదుర్కొన్న సంఘర్షణలు, విజయాలు, ఆమె చేసిన జర్నీ గురించి చూపించారు. అలాగే పలువురు సెలబ్రిటీలు నయనతార గురించి చెప్పిన అభిప్రాయాలను తెరకెక్కించారు. నయనతార గురించి రానా, ఉపేంద్ర మాట్లాడుతూ ఆమె ఒక లేడీ సూపర్ స్టార్ అని అన్నారు.
ఆమె వ్యక్తిగత జీవితంలో ఒడిదొడుకులు ఎదుర్కొందని నాగార్జున చెప్పారు. రాధిక, తాప్సీ, దర్శకుడు నెల్సన్ తో పాటు మరికొందరు సెలబ్రిటీలు నయనతార లైఫ్ లో తమకున్న అనుబంధాన్ని షేర్ చేసుకున్నారు. ఈ డాక్యుమెంటరీలో నయనతార తన భర్త విఘ్నేష్ గురించి తను గతంలో మీడియా వల్ల ఎదుర్కొన్న ఇబ్బందుల గురించి చెప్పింది. ఈ నెల 18న నయనతార డాక్యుమెంటరీ నెట్ ఫ్లిక్స్ లో స్ట్రీమింగ్ కానుంది.
