స్టార్ హీరో సూర్య నటించిన కంగువ సినిమా ఆల్ రౌండ్ ప్రమోషన్స్ తో గ్రాండ్ రిలీజ్ కు రెడీ అవుతోంది. ఒకవైపు దేశంలోని వివిధ నగరాల్లో ఈ సినిమా ప్రమోషనల్ ఈవెంట్స్ జరుగుతున్నాయి. మరోవైపు మ్యూజికల్ ప్రమోషన్స్ కూడా చేస్తున్నారు. ఈ రోజు కంగువ నుంచి నాయకా లిరికల్ సాంగ్ రిలీజ్ చేశారు. ఈ పాట బాహుబలి వైబ్స్ తో ఆకట్టుకుంది. దేవిశ్రీ ప్రసాద్ ఎంతో ప్రెస్టీజియస్ గా తీసుకుని ఈ సినిమాకు మ్యూజిక్ ఇచ్చారు.
‘నాయకా..’ లిరికల్ సాంగ్ కు దేవి అందించిన పవర్ ఫుల్ ట్యూన్ కు అంతే డెప్త్ ఉన్న లిరిక్స్ రాశారు రాకేందు మౌళి. ఒక పెద్ద సింగర్స్ టీమ్ ఈ పాట పాడటం విశేషం. అరవింద్ శ్రీనివాస్, దీపక్ బ్లూ, శెంబగరాజ్, నారాయణ్ రవిశంకర్, గోవింద్ ప్రసాద్, శిబి శ్రీనివాసన్, ప్రసన్న అభిశేష, సాయిశరణ్, విక్రమ్ పిట్టి, అభిజిత్ రావ్, అపర్ణ హరికుమార్, సుస్మిత నరసింహన్, పవిత్ర చారి, లవిత లోబో, దీప్తి సురేష్, లత కృష్ణ, పద్మజ శ్రీనివాసన్ పాడారు. ‘నాయకా మా నాయకా నాయకా మా నాయకా..ధీర ధీర కదన విహార ధీర రారా అగ్ని కుమారా…’ అంటూ తమ నాయకుడి గొప్పదనాన్ని పొగుడుతూ తెగ ప్రజలు పాడుకునే పాటగా ఈ సాంగ్ ను డిజైన్ చేశారు. థియేటర్స్ లో నవంబర్ 14 నుంచి ఈ పాట మార్మోగనుంది.
