నటుడు నవదీప్ ఇంట్లో నార్కోటిక్ అధికారులు సోదాలు నిర్వహిస్తున్నారు. ఇటీవల పోలీసులు పట్టుకున్న డ్రగ్స్ రాకెట్ లో నవదీప్ పేరు కూడా చేర్చారు. ఆయన ఈ కేసులో ఏ 29 గా ఉన్నారు. పోలీసులు తనపై ఛార్జిషీట్ దాఖలు చేయడంతో కోర్టుకు వెళ్లిన నవదీప్..తనను అరెస్ట్ చేయవద్దంటూ యాంటిసిపేటరీ బెయిల్ తెచ్చుకున్నారు. ఈ బెయిల్ పిటిషన్ పై నార్కొటిక్ పోలీసులు కౌంటర్ దాఖలు చేయబోతున్నారు.
మరోవైపు హైదరాబాద్ లోని నవదీప్ ఇంట్లో నార్కొటిక్ అధికారులు సోదాలు నిర్వహిస్తున్నారు. డ్రగ్స్ కొనడం, అమ్మకాలు, డ్రగ్స్ తీసుకోవడం, డ్రగ్స్ నిల్వలు ..వంటి అంశాలపై వారు సోదాలు నిర్వహిస్తున్నారు. ఈ సోదాల సమయంలో నవదీప్ ఇంట్లో లేనట్లుగా తెలుస్తోంది. నవదీప్ డ్రగ్స్ వాడాడనే ఆధారాలు తమ వద్ద ఉన్నాయని పోలీసులు చెబుతున్నారు.
నవదీప్ తన స్నేహితుడు రామ్ చంద్ ద్వారా డ్రగ్స్ తీసుకున్నాడని పోలీసులు విచారణలో గుర్తించారు. రామ్ చంద్ ను ఇప్పటికే అరెస్ట్ చేశారు. గతంలో ఇండస్ట్రీ డ్రగ్స్ లింక్స్ బయటపడినప్పుడు కూడా నవదీప్ విచారణకు హాజరయ్యారు.
