ఇటీవల థాంక్యూ, బంగర్రాజు, కస్టడీ వంటి చిత్రాలతో వరుసగా ఫ్లాప్స్ చూశారు నాగ చైతన్య. సక్సెస్ అండ్ ఫెయిల్యూర్ ఆర్ పార్ట్ ఆఫ్ ది గేమ్ అనుకునే చైతూ..ఇప్పుడు తన కొత్త సినిమాకు మరింత పక్కాగా ప్లాన్స్ చేసుకుంటున్నారు. చందూ మొండేటి దర్శకత్వంలో గీతా ఆర్ట్స్ సంస్థ ఈ సినిమాను నిర్మిస్తోంది. ప్రీ ప్రొడక్షన్ పనులు ప్రారంభమయ్యాయి. కోస్తాంధ్ర మత్స్యకారుల జీవితాల నేపథ్యంగా ఈ సినిమాను తెరకెక్కించనున్నారు.
ఇటీవల శ్రీకాకుళం పరిసర ప్రాంతాల్లో పర్యటించారు నాగ చైతన్య అండ్ టీమ్. ఈ వీడియోను నిర్మాణ సంస్థ గీతా ఆర్స్ట్ ట్విట్టర్ ద్వారా పోస్ట్ చేసింది. ఈ వీడియోలో మత్స్యకార కుటుంబాలతో నాగ చైతన్య ఇంటరాక్ట్ అయిన తీరు, వారి జీవన విధానాలను తెలుసుకున్న సందర్భాలు ఉన్నాయి. త్వరలోనే ఈ సినిమా సెట్స్ మీదకు తీసుకెళ్తామని గీతా ఆర్ట్స్ తెలిపింది. ఈ చిత్రంతో హిట్ కొట్టాలనే పట్టుదలతో నాగ చైతన్య ఉన్నట్లు తెలుస్తోంది.
