దర్శకుడు శేఖర్ కమ్ముల రూపొందించిన లవ్ స్టోరి సినిమాతో సూపర్ హిట్ పెయిర్ గా మారారు సాయి పల్లవి, నాగ చైతన్య. ఇప్పుడు ఈ జంట మరోసారి ప్రేక్షకుల ముందుకు రాబోతున్నారు. నాగ చైతన్య హీరోగా దర్శకుడు చందూ మొండేటి తెరకెక్కించనున్న తండేల్ – ది కెప్టెన్ సినిమాలో హీరోయిన్ గా సాయి పల్లవిని తీసుకున్నారు.
ఇవాళ గీతా ఆర్ట్స్ సంస్థ రిలీజ్ చేసిన వీడియోలో ఆమె మా సినిమాలో జాయినైంది అంటూ పేర్కొన్నారు. ఆ వీడియోలో చూపించిన ఆమె సాయి పల్లవిని స్పష్టంగా తెలుస్తోంది. విరాటపర్వం సినిమా టైమ్ నుంచి చేతికి రుద్రాక్షలు ధరిస్తోంది సాయి పల్లవి. ఇక ఆమె రాకతో ఈ సినిమా పర్ పార్మెన్స్ పరంగా మరింత స్ట్రాంగ్ ఉండబోతున్నట్లు అర్థమవుతోంది.
జీఏ2 పిక్చర్స్ నిర్మాణంలో ఉత్తరాంధ్ర మత్స్యకారుల లైఫ్ నేపథ్యంతో ఈ సినిమాను రూపొందిస్తున్నారు దర్శకుడు చందూ మొండేటి. చేపల వేటకు వెళ్లి పాకిస్థాన్ కోస్ట్ గార్డులకు చిక్కిన ఆంధ్ర మత్స్యకారుల రియల్ ఇన్సిడెంట్స్ ఈ సినిమా కథకు ఆధారంగా తీసుకున్నట్లు టాక్ వినిపిస్తోంది. వచ్చే నెల మూడో వారం నుంచి తండేల్ – ది కెప్టెన్ సినిమా సెట్స్ మీదకు వెళ్లనుంది. గతంలో ఈ సినిమాకు సాయి పల్లవి లేదా కీర్తి సురేష్ ను సంప్రదిస్తున్నట్లు తెలిసింది. అయితే తాజా వీడియోతో సాయి పల్లవిని తండేల్ లో కన్ఫర్మ్ చేసినట్లు తెలుస్తోంది.
