అక్కినేని నాగచైతన్య హీరోగా చందు మొండేటి దర్శకత్వంలో ఓ విభిన్న ప్రేమకథా చిత్రం రూపొందుతోన్న విషయం తెలిసిందే. ఈ చిత్రాన్ని మెగా ప్రొడ్యూసర్ అల్లు అరవింద్ సమర్పణలో యంగ్ ప్రొడ్యూసర్ బన్నీ వాసు నిర్మిస్తున్నారు. యధార్థ సంఘటనలు ఆధారంగా ఈ సినిమా రూపొందుతోది. ఆమధ్య శ్రీకాకుళం వెళ్లి మత్య్సకారులను కలవడం.. ఈ సినిమాకి సంబంధించిన మరిన్ని విషయాలు తెలుసుకోవడం జరిగింది. ఆతర్వాత ఈ సినిమాను అఫిషియల్ గా అనౌన్స్ చేశారు. దీంతో ఈ సినిమా పై అటు అభిమానుల్లోనే కాకుండా కామన్ ఆడియన్స్ లో సైతం మరింత ఆసక్తి ఏర్పడింది.
ఇప్పుడు ఈ సినిమా గురించి ఓ ఇంట్రస్టింగ్ న్యూస్ బయటకు వచ్చింది. అది ఏంటంటే.. ఇందులో నాగచైతన్యకు జంటగా కీర్తి సురేష్ ను ఎంపిక చేశారట. ఈ సినిమాకి యువ సంగీత సంచలనం అనిరుథ్ సంగీతం అందించనున్నారని సమాచారం. గీతా ఆర్ట్స్ బ్యానర్ పై ఈ చిత్రాన్ని అత్యంత ప్రతిష్టాత్మకంగా.. దాదాపు 60 కోట్ల భారీ బడ్జెట్ తో ఈ సినిమాను నిర్మిస్తుండడం విశేషం. ప్రస్తుతం ప్రీ ప్రొడక్షన్ వర్క్ జరుగుతుంది. సెప్టెంబర్ నుంచి ఈ సినిమాను సెట్స్ పైకి తీసుకురానున్నారు. మరి.. ఈ సినిమాను ఎప్పుడు రిలీజ్ చేస్తారంటే.. సమ్మర్ లో రిలీజ్ చేసేందుకు ప్లాన్ చేస్తున్నారని తెలిసింది. మరి.. కస్టడీ మూవీతో మెప్పించలేకపోయిన చైతన్య ఈ విభిన్న ప్రేమకథా చిత్రంతో ఆకట్టుకుని సక్సెస్ సాధిస్తాడేమో చూడాలి.
