హీరో సిద్ధార్థ్ మల్టీటాలెంటెడ్ స్టార్. ఆయన పాటలు కూడా బాగా పాడుతుంటాడు. రీసెంట్ గా “ఇట్స్ ఓకే గురు” సినిమాలోని సిద్ధార్థ్ పాడిన ‘నా శ్వాసే నువ్వై పోయావే, నా ప్రాణం నీదంటూ పాట మ్యూజిక్ లవర్స్ ను బాగా ఆకట్టుకుంటోంది. ఈ చిత్రంలో చరణ్ సాయి, ఉషశ్రీ హీరో హీరోయిన్స్ గా నటిస్తున్నారు. ఈ పాటను మధుర ఆడియో ద్వారా తాజాగా రిలీజ్ చేశారు.
మోహిత్ రెహ్మానియక్ బ్యూటిఫుల్ గా కంపోజ్ చేసిన నా శ్వాసే నువ్వై పాటకు రాహుల్ రెడిన్ఫినిటీ లిరిక్స్ రాశారు. హీరో సిద్ధార్థ్ మంచి ఫీల్ తో పాడారు. లవ్ ఫీలింగ్స్ తెలిపేలా కంపోజ్ చేసిన ఈ పాట ఆకట్టుకుంటోంది. “ఇట్స్ ఓకే గురు” చిత్రాన్ని వండర్ బిల్ట్ ఎంటర్ టైన్ మెంట్స్ బ్యానర్ పై సురేష్ అనపురపు, బస్వ గోవర్థన్ గౌడ్ నిర్మిస్తున్నారు. దర్శకుడు మణికంఠ ఎం రూపొందిస్తున్నారు. త్వరలో ఇట్స్ ఓకే గురు సినిమా ప్రేక్షకుల ముందుకు వచ్చేందుకు సిద్ధమవుతోంది.
