వెబ్ సిరీస్ లలో బ్లాక్ బస్టర్ అయ్యింది మీర్జాపూర్(Mirzapur). ఈ సిరీస్ ఓటీటీ సంస్థ అమోజాన్ ప్రైమ్ కే పాపులారిటీ తీసుకొచ్చింది. ఇంత సూపర్ హిట్ వెబ్ సిరీస్ ఇప్పుడు బిగ్ స్క్రీన్స్ మీదకు రాబోతోంది. మీర్జాపూర్ వెబ్ సిరీస్ ను సినిమాగా రూపొందిస్తున్నట్లు తాజాగా నిర్మాత ఫర్హాన్ అక్తర్(Farhan aktar) వెల్లడించారు. మీర్జాపూర్ లోని ఆధిపత్య పోరును కొనసాగిస్తూ ఓ కొత్త కథతో ఈ సినిమా ఉండబోతోంది.
లీడ్ యాక్టర్స్ గా పంకజ్ త్రిపాఠీ(Pankaj tripati), దివ్యేందు, అలీ ఫజల్ కనిపించనున్నారు. పునీత్ కృష్ణ కథను అందించిన ఈ చిత్రాన్ని దర్శకుడు గుర్మీందర్ సింగ్ రూపొందించనున్నారు. త్వరలో సెట్స్ మీదకు వెళ్లనున్న మీర్జాపూర్ మూవీ 2026లో స్క్రీన్స్ మీదకు రానుంది. వెబ్ సిరీస్ కు దక్కిన విజయం వెండితెర మీదా సొంతమవుతుందని మూవీ టీమ్ చెబుతున్నారు.
