ఎన్టీఆర్(NTR) హీరోగా నటిస్తున్న దేవర(Devara) సినిమా రిజల్ట్ ఎలా ఉంటుందో అనే ఉత్కంఠ హీరో ఎన్టీఆర్ తో పాటు ఆయన అభిమానుల్లోనూ నెలకొంది. రీసెంట్ గా రిలీజ్ చేసిన ఈ సినిమా ట్రైలర్ కు మిక్స్డ్ రెస్పాన్స్ వచ్చింది. తరతరాలుగా తెలుగు సినిమా చూస్తూ వస్తున్న తండ్రీ కొడుకుల కాన్సెప్ట్ ను మరోసారి దర్శకుడు కొరటాల శివ(Koratala siva) తెరపై తీసుకొస్తున్నారు. ఆయన గత సినిమా ఆచార్య భారీ ఫ్లాప్ అయ్యింది.
ఇప్పుడు దేవరను ఆయన ఎలా తీశారో అనే టెన్షన్ అభిమానులకు పట్టుకుంది. అందుకే ఆచార్య సినిమాలో షాట్స్, దేవర ట్రైలర్ షాట్స్ తో పోలుస్తూ సోషల్ మీడియాలో మీమ్స్ వైరల్ అవుతున్నాయి. దేవర సినిమాను ఎన్టీఆర్ ఆర్ట్స్, యువసుధ ఆర్ట్స్ బ్యానర్స్ పై కల్యాణ్ రామ్ నిర్మాతగా దర్శకుడు కొరటాల శివ ఈ చిత్రాన్ని రూపొందించారు. జాన్వీ(Jhanvi kapoor) హీరోయిన్ గా నటించింది. రెండు భాగాల దేవరలో ఫస్ట్ పార్ట్ ఈ నెల 27న థియేటర్స్ లోకి రాబోతోంది. దేవర పార్ట్ 1 ఫలితంపైనే పార్ట్ 2 ఉంటుందా ఉండదా అనేది తేలనుంది.
