ఎంతమంది ప్రశంసలు దక్కినా మెగాస్టార్ అభినందన దొరకడం ఎంతో ప్రత్యేకం. అలాంటి ప్రత్యేకమైన అభినందనలు మెగాస్టార్ చిరంజీవి నుంచి దక్కించుకున్నారు క మూవీ టీమ్. టాలీవుడ్ లో ఎవరికి విజయం వచ్చినా అది తన విజయంగా భావించే మంచి మనసున్న మెగాస్టార్ చిరంజీవి కిరణ్ అబ్బవరం హీరోగా నటించిన క సినిమా సక్సెస్ పట్ల తన సంతోషాన్ని వ్యక్తం చేశారు.
క సినిమాను ప్రత్యేకంగా వీక్షించిన మెగాస్టార్, మూవీ టీమ్ ను పిలిచి అభినందించారు. ఈ ఫొటోస్ సోషల్ మీడియాలో చక్కర్లు కొడుతున్నాయి. ఈ సందర్భంగా మెగాస్టార్ కు క సినిమా టీమ్ కృతజ్ఞతలు తెలిపింది. క సినిమా దీవాళి బ్లాక్ బస్టర్ గా రికార్డ్ కలెక్షన్స్ సాధిస్తోంది. సెకండ్ వీక్ లో సక్సెస్ ఫుల్ గా రన్ అవుతోందీ మూవీ.
