మలయాళ స్టార్ హీరో ఉన్ని ముకుందన్ నటించిన సూపర్ హిట్ యాక్షన్ థ్రిల్లర్ మూవీ “మార్కో” ఆహా ఓటీటీలో రేపటి నంచి స్ట్రీమింగ్ కు వస్తోంది. ఓన్లీ తెలుగు వెర్షన్ ఆహాలో అందుబాటులో ఉండనుంది. ఈరోజు మార్కో ఆహా కట్ ట్రైలర్ రిలీజ్ చేశారు. హ్యూజ్ యాక్షన్ సీక్వెన్స్ తో మార్కో కొత్త ట్రైలర్ ఆకట్టుకుంది. యాక్షన్ మూవీస్ ఇష్టపడే ప్రేక్షకులకు మార్కో ట్రీట్ కానుంది. థ్రిల్లింగ్ యాక్షన్ ఎపిసోడ్స్, ఎమోషన్ ఈ ట్రైలర్ లో హైలైట్ గా నిలుస్తోంది. తను ఎంతో ప్రేమించే సోదరుడు విక్టర్ ను చంపిన వారిపై మార్కో పగ తీర్చుకునే తీరు హై ఎండ్ యాక్షన్ సీక్వెన్సులతో ఇంప్రెస్ చేసింది.
ఈ చిత్రాన్ని దర్శకుడు హనీఫ్ అడేని రూపొందించారు. క్యూబ్ ఎంటర్ టైన్ మెంట్స్, ఉన్ని ముకుందన్ ఫిలింస్ సంయుక్తంగా నిర్మించాయి. ఉన్ని ముకుందన్ తో పాటు సిద్ధిక్, జగదీష్, అభిమన్యు ఎస్ తిలకన్, కబీర్ దుహాన్ సింగ్, అన్సన్ పాల్, యుక్తి తరేజా కీలక పాత్రల్లో నటించారు. గతేడాది డిసెంబర్ 20న వరల్డ్ వైడ్ రిలీజ్ మలయాళ చిత్ర పరిశ్రమలో అత్యధిక వసూళ్లు సాధించింది. మార్కో తెలుగులోనూ రిలీజై ఘన విజయాన్ని అందుకుంది. ఆహా ఓటీటీ ద్వారా మార్కో సినిమా మరింతమంది మూవీ లవర్స్ కు రీచ్ కానుంది.
