పాయల్ రాజ్ పుత్ గ్లామర్ హీరోయిన్. హాట్ గా కనిపించడంలో ఎక్కడా వెనక అడుగు వేసేది లేదంటుంది. ఆమెతో ఏ ప్రాజెక్ట్ సెట్ చేసినా దర్శకులు రొమాంటిక్ యాంగిల్ లో అడ్వాంటేజ్ తీసుకుంటారు. వాస్తవానికి రొమాన్స్ అనేది సినిమాకు ఎప్పుడూ సేలబుల్ అంశమే. పాయల్ లీడ్ రోల్ చేసిన మంగళవారం టీజర్ లోనూ అలాంటి బెడ్ సీన్ ఒకటి క్లిక్ మంది. ఇక్కడే టీజర్ ను ఎండ్ చేశారు.
ఆర్ఎక్స్ 100, మహా సముద్రం సినిమాల దర్శకుడు అజయ్ భూపతి ఈ మంగళవారం సినిమాను రూపొందిస్తున్నాడు. థ్రిల్లర్ మూవీగా పాన్ ఇండియా స్థాయిలో రిలీజ్ చేయబోతున్నారు. ఫియర్ ఇన్ ఐస్ అంటూ తాజాగా టీజర్ విడుదలైంది. ఆ టీజర్ ఎలా ఉందో చూస్తే…ఒక ఊరిలో అనుకోని ఘటనలు జరుగుతుంటాయి. ఊరి జనం హడలెత్తి పోతుంటారు. ఆ భయమంతా వారి కళ్లలో కనిపిస్తుంటుంది.
ఈ ఘటనలకు గుడిలోని దైవశక్తి కారణమా, లేక మాస్క్ ధరించిన కొందరు ఆగంతకులు కారణమా అనేది అంతు చిక్కదు. పోలీసుల అరంగేట్రం, ఇన్వెస్టిగేషన్ జరుగుతుంటాయి. పాయల్ కు అనేక భయంకరమైన జ్ఞాపకాలుంటాయి. అవి గుర్తొచ్చి ఆమెను భయపెడుతుంటాయి. ఆమె కళ్లలోనూ భయం కనిపిస్తుంటుంది. బెడ్ మీద రొమాంటిక్ సీన్ లోనూ పాయల్ ను ఆ భయం వెంటాడుతుంది. ఇలా ఫియర్ ఇన్ ఐస్ టీజర్ సాగింది.
దర్శకుడు అజయ్ భూపతికి ఇది కెరీర్ డిసైడింగ్ సినిమా. పాయల్ క్రేజ్ కూడా తగ్గింది. విరూపాక్ష లాంటి మిస్టిక్ థ్రిల్లర్ సినిమాలు సక్సెస్ అయిన నేపథ్యంలో మంగళవారం కంటెట్ బాగుంటే విజయం సాధించే అవకాశం ఉంది.
