స్టార్ హీరో విజయ్ దేవరకొండ ఫస్ట్ టైమ్ ఒక మ్యూజిక్ వీడియో సాంగ్ లో కనిపించబోతున్నారు. ప్రముఖ కంపోజర్, సింగర్ జస్లీన్ రాయల్ ఈ పాటకు మ్యూజిక్ అందిస్తున్నారు. సుధాంశు సరియా దర్శకత్వం వహిస్తున్నారు. రాధిక మదన్ విజయ్ దేవరకొండ సరసన కనిపిస్తోంది. ఈ పాట ప్రోమో రీసెంట్ గా రిలీజ్ చేశారు.
ఈ ప్రోమోలో విజయ్ దేవరకొండ ఫొటోగ్రాఫర్ గా కనిపించారు. పీరియాడిక్ బ్యాక్ డ్రాప్ లో ఎమోషనల్ లవ్ సాంగ్ గా సాహిబా ఉండబోతోంది. సాహిబా ఫుల్ సాంగ్ ఈ నెల 15న రిలీజ్ కాబోతోంది. దుల్కర్ సల్మాన్ తో రీసెంట్ గా జస్లీన్ రూపొందించిన సాంగ్ హీరియో వరల్డ్ వైడ్ గా పాపులర్ కావడంతో ఈ సాహిబా సాంగ్ మీద కూడా హై ఎక్స్ పెక్టేషన్స్ ఏర్పడుతున్నాయి.
