సూపర్ స్టార్ మహేశ్ బాబు తన కొత్త సినిమా గుంటూరు కారం షూటింగ్ ను తిరిగి ప్రారంభించారు. ఇటీవల తన బర్త్ డే హాలీడేస్ కోసం వెకేషన్ వెళ్లారు మహేశ్. ఫ్యామిలీతో కలిసి యూకే టూర్ వెళ్లారు. గత వారం ఇండియా తిరిగొచ్చిన మహేశ్ గుంటూరు కారం సెట్ లో అడుగుపెట్టారు. ఈ సినిమాలోని యాక్షన్ సీక్వెన్సులను భారీ ఎత్తున తెరకెక్కిస్తున్నారు.
హైదరాబాద్ అన్నపూర్ణ స్డూడియోస్ లో గుంటూరు కారం సినిమా షూటింగ్ జరుగుతోంది. ఈ స్టూడియోలో వేసిన భారీ సెట్ లో పెద్ద ఎత్తున యాక్షన్ సీక్వెన్సులు రూపొందిస్తున్నారు. ఇంటర్వెల్ బ్యాంగ్ యాక్షన్ సీక్వెన్స్ కోసమే వీటిని తెరకెక్కిస్తున్నట్లు తెలుస్తోంది. ఇప్పటికే పలుమార్లు గుంటూరు కారం షూటింగ్ వాయిదా పడుతూ వచ్చిన కారణంగా..ఇక జెట్ స్పీడ్ తో మిగతా వర్క్ పూర్తి చేయాలని మేకర్స్ భావిస్తున్నారు.
హారికా హాసినీ క్రియేషన్స్ పతాకంపై త్రివిక్రమ్ దర్శకత్వంలో రూపొందుతున్న ఈ సినిమాలో శ్రీలీల, మీనాక్షి చౌదరి హీరోయిన్స్ గా నటిస్తున్నారు. జగపతిబాబు విలన్ గా కనిపించనున్నారు. వచ్చే ఏడాది సంక్రాంతికి గుంటూరు కారం సినిమాను రిలీజ్ చేయబోతున్నారు.
