యూత్ ఫుల్ ఎంటర్ టైనర్స్ కు బాక్సాఫీస్ వద్ద తిరుగుండదని ఎన్నో సూపర్ హిట్ చిత్రాలు నిరూపించాయి. అంత హెవీ లాక్ డౌన్ లోనూ జాతిరత్నాలు సినిమా ఎంత పెద్ద హిట్ అయ్యిందో మనం చూశాం. ఇలాంటి ఒక హిలేరియస్ ఎంటర్ టైనర్ గా ప్రేక్షకుల ముందుకు రాబోతోంది మహానటులు సినిమా. ఈ చిత్రంలో అభినవ్ మణికంఠ, గోల్డీ నిస్సీ, మ్యాడీ వీజే, పవన్ రమేష్, భరత్ రెడ్డి తదితరులు కీలక పాత్రల్లో నటించారు.
టాలెంటెడ్ డైరెక్టర్ అశోక్ రెడ్డి రూపొందించిన ఈ సినిమా ఈ నెల 25న థియేటర్లలోకి వస్తోంది. మహానటులు చిత్రాన్ని ఏబీఆర్ ప్రొడక్షన్స్ అండ్ ఏబీఆర్ ఎంటర్ టైన్ మెంట్స్ బ్యానర్స్ పై అనిల్ బోధిరెడ్డి, డాక్టర్ తిరుపతి ఆర్ యర్రంరెడ్డి నిర్మించారు. నలుగురు కుర్రాళ్లు టీమ్ గా మారి మహానటులు అనే యూట్యూబ్ ఛానెల్ ను ఎలా డెవలప్ చేశారు అనేది ఈ సినిమాలో స్టార్టింగ్ టు ఎండింగ్ హ్యూమరస్ గా చూపించబోతున్నారు. కామెడీ మూవీస్ ఇష్టపడే ప్రేక్షకులకు మహానటులు ఒక మంచి ఆప్షన్ కాబోతోంది.
