ట్రైలర్ తో సినిమాలో నవ్వులు గ్యారెంటీ అని ప్రామిస్ చేసింది “ధూం ధాం” సినిమా. ఈ ఫ్రైడే థియేటర్స్ లోకి రానున్న ఈ చిత్ర ప్రీ రిలీజ్ హైదరాబాద్ లో ఘనంగా నిర్వహించారు. డైరెక్టర్స్ శ్రీను వైట్ల, వైవీఎస్ చౌదరి, సాయి రాజేశ్ ముఖ్య అతిథులుగా పాల్గొన్నారు. ఈ కార్యక్రమంలో లిరిసిస్ట్ రామజోగయ్య శాస్త్రి 20 ఏళ్ల సినీ ప్రయాణం నేపథ్యంలో సన్మానం జరిపారు. ఈ సందర్భంగా శ్రీనువైట్ల “ధూం ధాం” సినిమాను తన రెడీ మూవీతో పోల్చారు. సెకండాఫ్ కంప్లీట్ గా ఫన్ తో సినిమా ఉంటుందని, సాంగ్స్ చాలా బాగున్నాయని శ్రీను వైట్ల అన్నారు. “ధూం ధాం” సినిమా హీరో చేతన్ కు, ప్రొడ్యూసర్ రామ్ కుమార్ కు మంచి సక్సెస్ ఇవ్వాలని శ్రీను వైట్ల కోరారు.
తెలుగు సినిమాను ఎంకరేజ్ చేయండి – హీరో చేతన్ కృష్ణ
————————————————–
“ధూం ధాం” ఈవెంట్ లో హీరో చేతన్ కృష్ణ డిస్ట్రిబ్యూషన్ వ్యవస్థపై అసహనం వ్యక్తం చేశారు. మన తెలుగు మూవీస్ కు కాకుండా చిన్న డబ్బింగ్ సినిమాలకు థియేటర్స్ ఇస్తున్నారని, ఇది బాధ కలిగిస్తోందని ఆయన అన్నారు. తెలుగు నేటివ్ మూవీస్ ను ఎంకరేజ్ చేయమని రిక్వెస్ట్ చేశారు. “ధూం ధాం”తో మీకు నవ్వులు గ్యారెంటీ అని చేతన్ చెప్పారు.
