సెన్సేషనల్ హీరో విజయ్ దేవరకొండ, క్రేజీ హీరోయిన్ సమంత జంటగా నటిస్తున్న చిత్రం ఖుషి. ఈ చిత్రానికి విభిన్న ప్రేమకథా చిత్రాల దర్శకుడు శివ నిర్వాణ దర్శకత్వం వహిస్తున్నారు. లవ్, యాక్షన్, ఎమోషనల్ ఎంటర్ టైనర్ గా తెరకెక్కుతున్న ఖుషి షూటింగ్ మొత్తం పూర్తయ్యింది. ప్రస్తుతం పోస్ట్ ప్రొడక్షన్ వర్క్ జరుపుకుంటుంది. ఈ మూవీకి హేషమ్ అబ్దుల్ వాహబ్ సంగీతం అందిస్తున్నారు. ఇప్పటి వరకు ఈ మూవీ నుంచి రిలీజ్ చేసిన మూడు పాటలు విశేషంగా ఆకట్టుకున్నాయి. కీలక పాత్రల్లో సచిన్ ఖేడేకర్, వెన్నెల కిషోర్, జయరాం, మురళి శర్మ, శ్రీకాంత్ అయ్యంగార్ తదితరులు నటిస్తున్నారు.
ఇదిలా ఉంటే.. విజయ్ దేవరకొండ 8 రోజులు, 14 రోజులు, 30 రోజులు అంటూ ట్వీట్ చేశారు. ఇందులో 8 రోజులు అనేది ట్రైలర్ రిలీజ్ అని.. 14 రోజులు అనేది ప్రమోషన్స్ స్టార్ట్ చేయనున్నారని..అలాగే మరో సాంగ్ రిలీజ్ చేయనున్నారని.. ఇక 30 రోజుల్లో సినిమా రిలీజ్ అని.. అందుకనే ఇలా ట్వీట్ చేశారని ప్రచారం జరుగుతుంది. అయితే.. నిజంగానే 8 రోజుల్లో అంటే ఖుషి ట్రైలర్ రిలీజ్ చేస్తారా.? మరో సాంగ్ రిలీజ్ చేస్తారా..? అనేది మేకర్స్ నుంచి క్లారిటీ రావాల్సివుంది. సెప్టెంబర్ 1న ఖుషి సినిమా భారీ స్థాయిలో విడుదల కానుంది.
