వీలైనంత వేగంగా, క్వాలిటీగా సినిమా చేయడం డైరెక్టర్ క్రిష్ కు అలవాటు. అంత ప్రొఫెషనల్ ఆయన. అయితే పవన్ తో ఏరికోరి క్రిష్ ఎంచుకున్న హరి హర వీరమల్లు సినిమాతో స్ట్రక్ అయిపోయారు. ఇప్పటికి దాదాపు నాలుగేళ్లవుతోంది ఈ సినిమా ఎటూ తేలక. క్రిష్ వైపు అంతా క్లియర్ గానే ఉంది. చారిత్రక నేపథ్య సినిమాలను రికార్డ్ టైమ్ లో కంప్లీట్ చేసిన సమర్థుడు క్రిష్. ఎందుకో హరి హర వీరమల్లుకు అన్నీ కలిసి రావడం లేదు.
పవన్ బల్క్ డేట్స్ దొరికాక ఈ సినిమాను పూర్తి చేసి..తన కొత్త చిత్రానికి వెళ్లేందుకు క్రిష్ ప్రయత్నాలు చేస్తున్నారు. ఇప్పటికీ ఈ సినిమాకు కథ సిద్ధం చేసుకున్న క్రిష్…కొత్త హీరోతో సినిమా తెరకెక్కించాలని నిర్ణయించారట. కొన్ని నెలల్లోనే ఈ సినిమాను పూర్తి చేసి రిలీజ్ చేయాలని ఆలోచిస్తున్నాడట. ఆ సినిమా అనౌన్స్ మెంట్ కూడా త్వరలో వచ్చేస్తుందని టాక్ వినిపిస్తోంది.
