కిరణ్ అబ్బవరం క సినిమా బాక్సాఫీస్ వద్ద మరో మైల్ స్టోన్ చేరుకుంది. ఈ సినిమా ఓన్లీ తెలుగు 50 కోట్ల రూపాయల మార్క్ రీచ్ అయ్యింది. దీపావళికి రిలీజైన ఈ సినిమా వరల్డ్ వైడ్ గా వసూళ్ల సత్తా చూపించింది. సరికొత్త థ్రిల్లర్ గా ప్రేక్షకులను అలరించింది. హీరో కిరణ్ అబ్బవరం కెరీర్ లో బిగ్గెస్ట్ బ్లాక్ బస్టర్ గా నిలిచిన క సినిమా ఇప్పుడు థర్డ్ వీక్ లోనూ స్ట్రాంగ్ గా థియేటర్స్ లో ప్రదర్శితమవుతోంది.
ఈ సినిమాలో నయన్ సారిక, తన్వీ రామ్ హీరోయిన్స్ గా నటించారు. శ్రీమతి చింతా వరలక్ష్మి సమర్పణలో శ్రీచక్రాస్ ఎంటర్ టైన్ మెంట్స్ తో బ్యానర్ పై చింతా గోపాలకృష్ణ రెడ్డి భారీ ప్రొడక్షన్ వ్యాల్యూస్ తో నిర్మించారు. దర్శక ద్వయం సుజీత్, సందీప్ “క” సినిమాతో తమ ప్రతిభ నిరూపించుకున్నారు. “క” సినిమాను తెలుగులో ప్రొడ్యూసర్ వంశీ నందిపాటి రిలీజ్ చేయగా.. ఈ నెల 22న మలయాళంలో స్టార్ హీరో దుల్కర్ సల్మాన్ తన వేఫరర్ ఫిలింస్ పై రిలీజ్ చేయబోతున్నారు.
