పాన్ ఇండియా స్టార్ ప్రభాస్ – మహానటి ఫేమ్ నాగ్ అశ్విన్ కాంబోలో తెరకెక్కుతోన్న పాన్ వరల్డ్ మూవీ కల్కి. ఇందులో ప్రభాస్ కు జంటగా బాలీవుడ్ బ్యూటీ దీపికా పడుకునే నటిస్తుంటే.. కీలక పాత్రల్లో అమితాబ్, కమల్ హాసన్ నటిస్తుండడం విశేషం. కమల్ ఇందులో నటిస్తున్నారని తెలిసినప్పటి నుంచి ఆయన పాత్ర ఏంటి అనేది ఆసక్తిగా మారింది. విలన్ పాత్ర పోషిస్తున్నారని తెలిసినప్పటి నుంచి మరింత ఆసక్తి ఏర్పడింది. ఎందుకంటే.. కమల్ వేరే సినిమాల్లో విలన్ గా నటించడం ఇదే ఫస్ట్ టైమ్. అందుచేత ఆయక క్యారెక్టర్ ఎలా ఉంటుంది..? ఆయన ఏ రేంజ్ లో విలనిజం చూపించనున్నారు అనేది తెలుసుకోవాలని సినీ అభిమానులు ఈగర్ గా వెయిట్ చేస్తున్నారు.
ఇక అసలు విషయానికి వస్తే.. వచ్చే వారం నుంచి రామోజీ ఫిలింసిటీలో కీలక సన్నివేశాలను చిత్రీకరించనున్నారు. ఈ షెడ్యూల్ లో కమల్, ప్రభాస్, అమితాబ్ తదితరులు పాల్గొనబోతున్నారని తెలిసింది. ప్రస్తుతం కమల్ ఇండియన్ 2 షూటింగ్ లో ఉన్నారు. ఈ షూటింగ్ కి బ్రేక్ ఇచ్చి కల్కికి డేట్లు ఇచ్చినట్టు టాక్. 2024 సంక్రాంతికి కల్కి చిత్రాన్ని విడుదల చేయాలనేది నాగ్ అశ్విన్ ప్లాన్. అందుకనే షూటింగ్ ఫాస్ట్ గా చేస్తున్నారు. నవంబర్ కి షూటింగ్ పూర్తి చేసి డిసెంబర్ కి ఫస్ట్ కాపీ రెడీ చేయాలనేది ప్లాన్. కమల్ పార్ట్ కంప్లీట్ చేస్తే.. దాదాపు షూటింగ్ పూర్తయినట్టే. అందుకే ఈ షెడ్యూల్ కీలకం. మరి.. అంతా అనుకున్నట్టుగా జరిగి కల్కి సంక్రాంతికి వస్తుందేమో చూడాలి.
