సూపర్ స్టార్ రజినీకాంత్ నటించిన లేటెస్ట్ మూవీ జైలర్. ఈ చిత్రానికి నెల్సన్ దిలీప్ కుమార్ డైరెక్టర్. ఈ మూవీ నుంచి రిలీజ్ చేసిన తమన్నా సాంగ్ సోషల్ మీడియాను ఊపేస్తుంది. ఇక ట్రైలర్ అయితే.. రికార్డ్ వ్యూస్ తో దూసుకెళుతుంది. ఆగష్టు 10న జైలర్ మూవీ రిలీజ్ కానుంది. ఇటీవల కాలంలో రజినీ సినిమాలు ఆశించిన స్థాయిలో ఆకట్టుకోలేకపోయాయి. బాక్సాఫీస్ దగ్గర బోల్తాపడ్డాయి. అందుకనే రజినీ ష్యాన్స్ జైలర్ మూవీ పై చాలా ఆశలు పెట్టుకున్నారు. ట్రైలర్ ఇంట్రస్టింగ్ గా ఉండడంతో సినిమా ఖచ్చితంగా సక్సెస్ అవుతుందని టీమ్ గట్టి నమ్మకంతో ఉన్నారు.
ఇదిలా ఉంటే.. జైలర్ మూవీ కాపీ కథ అంటూ ప్రచారం జరుగుతుంది. ఇంతకీ ఏ సినిమాకి కాపీ అంటే.. హాలీవుడ్ మూవీ నోబడికి కాపీ అంటూ వార్తలు వస్తున్నాయి. కరోనా టైమ్ లో విడుదలైన నోబడి సినిమా కథకు, జైలర్ కథకు దగ్గర పోలికలు ఉన్నాయని టాక్ వినిపిస్తోంది. ఈ వార్త బయటకు వచ్చినప్పటి నుంచి నోబడికి జైలర్ కాపీనే అనే కామెంట్లు ఎక్కువ అయ్యాయి. ప్రచారంలో ఉన్న వార్తల పై మేకర్స్ స్పందించలేదు. అయితే.. సినిమా రిలీజ్ అయిన తర్వాత ఇది కాపీనా..? లేక ఓరిజినల్ స్టోరీనా..? అనేది తెలుస్తుంది.
