కోలీవుడ్ సూపర్ స్టార్ రజినీకాంత్ నటించిన తాజా చిత్రం జైలర్. దీనికి నెల్సన్ దిలీప్ కుమార్ డైరెక్టర్. ఈమధ్య కాలంలో రజినీకాంత్ నటించిన సినిమాలు ఆశించిన స్థాయిలో ఆకట్టుకోలేదు. దీంతో జైలర్ సినిమా పై అంతగా అంచనాలు లేవు. అయితే.. తమన్నా సాంగ్ సోషల్ మీడియాలో వైరల్ అయ్యింది. ఇది సినిమాకి బాగా హెల్ప్ అయ్యింది. ఫస్ట్ డే ఫస్ట్ షో నుంచే జైలర్ హిట్ టాక్ తో దూసుకెళుతుంది. ఈ చిత్రాన్ని తెలుగు రాష్ట్రాల్లో దిల్ రాజు, సునీల్ నారంగ్ కలసి డిస్ట్రిబ్యూట్ చేశారు. వీరిద్దరికి జైలర్ లాభాలను తీసుకువస్తుంది.
జైలర్ నాలుగు రోజుల్లోనే 32 కోట్లు కలెక్ట్ చేసింది. ఇండిపెండెన్స్ డే హాలీడే మరింతగా కలిసొచ్చే అంశం. లాంగ్ రన్ లో జైలర్ భారీగా లాభాలు తీసుకురావడం ఖాయం.
ఈ సినిమాకి రజినీకాంత్ స్టైల్, యాక్షన్, అనిరుథ్ రవిచంద్రన్ మ్యూజిక్ సినిమాకి ప్లస్ పాయింట్స్ అని చెప్పచ్చు. నెల్సన్ తో సినిమా చేస్తున్నాను అని రజినీ ప్రకటించిన తర్వాత చాలా మంది వద్దు అని చెప్పారట. అయినప్పటికీ రజినీ ఇచ్చిన మాట ప్రకారం నెల్సన్ తో సినిమా చేశారు. అంచనాలకు మించి సక్సెస్ సాధించారు. ఈ సినిమా ఇచ్చిన విజయంతో జైలర్ కు సీక్వెల్ కూడా చేయాలి అనుకుంటున్నారట. అదే కనుక జరిగితే.. జైలర్ 2 కు మరింత క్రేజ్ రావడం ఖాయం.
