ఈ ఏడాది బిగ్గెస్ట్ బ్లాక్ బస్టర్ గా నిలిచింది హనుమాన్ సినిమా. సంక్రాంతికి విడుదలైన ఈ సినిమా ఓవర్సీస్ సహా పాన్ ఇండియా స్థాయిలో ఘన విజయాన్ని అందుకుంది. తేజ సజ్జ హీరోగా దర్శకుడు ప్రశాంత్ వర్మ ఈ చిత్రాన్ని రూపొందించారు. ఈ సినిమాకు సీక్వెల్ గా జై హనుమాన్ ను అనౌన్స్ చేశారు. ఇప్పుడీ మూవీ నుంచి ఫస్ట్ అఫీషియల్ అప్డేట్ రాబోతోంది.
దీపావళి సందర్భంగా రేపు జై హనుమాన్ సినిమా ఫస్ట్ లుక్ రిలీజ్ చేయబోతున్నారు. ఈ విషయాన్ని నిర్మాణ సంస్థ మైత్రీ మూవీ మేకర్స్ సోషల్ మీడియా ద్వారా వెల్లడించింది. ప్రశాంత్ వర్మ సినిమాటిక్ యూనివర్స్ తో కలిసి మైత్రీ మూవీ మేకర్స్ ఈ చిత్రాన్ని నిర్మిస్తోంది. ఈ సినిమాలో హనుమాన్ గా కన్నడ హీరో రక్షిత్ శెట్టి నటిస్తాడనే ప్రచారం జరుగుతోంది.
