వారం రోజుల్లో నాగార్జున బర్త్ డే వస్తోంది. ఈ నెల 29న ఆయన తన పుట్టినరోజు వేడుకలు జరుపుకోనున్నారు. ప్రతి బర్త్ డే కు ఏదో ఒక అప్ డేట్ ఇవ్వడం మిగతా స్టార్ హీరోల్లాగే నాగ్ కు కూడా అలవాటే. ఈసారి తన కొత్త సినిమా అనౌన్స్ చేయబోతున్నారట ఆయన. నాగార్జున నటించనున్న 99వ చిత్రమిది. ఈ సినిమా టైటిల్ ఇదేనంటూ ఓ పేరు బయటకొచ్చి వైరల్ అవుతోంది.
తన కొత్త సినిమాకు నాగార్జున గలాటా అనే టైటిల్ ను కన్ఫర్మ్ చేశారట. 99వ సినిమాగా తెరకెక్కుతున్న ఈ చిత్రానికి ఓ ప్రముఖ కొరియోగ్రాఫర్ దర్శకత్వం వహిస్తారని సమాచారం. ఈ సినిమాలో హీరోయిన్ గా కాజల్ అగర్వాల్ ను ఎంపిక చేశారు. ఈ నెల 29న నాగార్జున 99వ సినిమా టైటిల్ అనౌన్స్ తో పాటు గ్లింప్స్ కూడా రిలీజ్ చేయబోతున్నారు. ఇదే రోజున నాగార్జున హిట్ ఫిల్మ్ మన్మథుడు కూడా 4కేలో రిలీజ్ కాబోతోంది.
