హీరో కిరణ్ అబ్బవరం, విమర్శలు, ట్రోల్స్ కు భయపడే స్థాయి దాటిపోయాడని, ఆయన ఎ‌వరికీ భయపడాల్సిన అవసరం లేదని అన్నారు హీరో నాగచైతన్య. ఆయన అతిథిగా క సినిమా ప్రి రిలీజ్ ఈవెంట్ హైదరాబాద్ లో ఘనంగా జరిగింది. ఈ కార్యక్రమంలో నిర్మాత ఎస్ కేఎన్ మరో అతిథిగా పాల్గొన్నారు. ఈ కార్యక్రమంలో నాగ చైతన్య కిరణ్ అబ్బవరం గురించి చెప్పిన మాటలు సోషల్ మీడియాలో వైరల్ అవుతున్నాయి. అలాగే కిరణ్ అబ్బవరంకు నాగ చైతన్య ఇచ్చిన కాన్ఫిడెన్స్ ను కూడా అంతా మెచ్చుకుంటున్నారు.
నాగ చైతన్య ఎంతో పెద్ద మనసుతో ఈ కార్యక్రమానికి రావడమే కాదు కిరణ్ అబ్బవరం లాంటి హ్యాపెనింగ్ హీరోకు తన సపోర్ట్ ఉంటుందని తెలపడంపై ప్రేక్షకుల్లో ప్రశంసలు వస్తున్నాయి. కిరణ్ అబ్బవరం ఏ సపోర్ట్ లేకుండా ఇండస్ట్రీలో నిలదొక్కుకున్నాడని, ఆ బాధలు వారసుడిగా వచ్చిన తనకు తెలియవని నాగ చైతన్య అన్నారు. కిరణ్ అబ్బవరం జర్నీకి తాను నెంబర్ వన్ ఫ్యాన్ ను అని, కిరణ్ సక్సెస్ స్టోరీ ఇన్సిపిరేషన్ గా నిలుస్తుందని నాగ చైతన్య చెప్పారు. భారీ పీరియాడిక్ థ్రిల్లర్ సినిమా “క” రేపు దీపా‌వళి పండుగ సందర్భంగా తెలుగులో గ్రాండ్ థియేట్రికల్ రిలీజ్ కు రెడీ అవుతోంది.
