కిరణ్ అబ్బవరం భారీ సస్పెన్స్ థ్రిల్లర్ మూవీ క మరో మూడు రోజుల్లో థియేటర్స్ లోకి రాబోతోంది. ఈ చిత్రంలో తన్వీరామ్, నయన్ సారిక హీరోయిన్స్ గా నటించారు. ఈ చిత్రంలో రాధగా తన్వీరామ్, సత్యభామగా నయన్ సారిక కనిపించనుంది. ఈ ఇద్దరిలో వాసుదేవ్(కిరణ్ అబ్బవరం) కు జోడీ ఎవరు, క సినిమా తమకు ఎలాంటి ఎక్సిపీరియన్స్ ఇచ్చిందో వారు తమ లేటెస్ట్ ఇంటర్వ్యూలో తెలిపారు.
నయన్ సారిక మాట్లాడుతూ – ఈ సినిమాలో సత్యభామ క్యారెక్టర్ లో కనిపిస్తా. ఈ క్యారెక్టర్ చాలా ట్రెడిషనల్ గా ఉంటుంది. సత్యభామ కోసం మహానటి సావిత్ర గారి లుక్ ను రిఫరెన్స్ గా తీసుకున్నాం. క సినిమాలో ప్రతి క్యారెక్టర్ యూనిక్ గా ఉంటుంది. ప్రతి క్యారెక్టర్ లో అనేక ట్విస్ట్స్ ఉంటాయి. క్లైమాక్స్ సూపర్బ్ గా ఉంటుంది. కిరణ్ అబ్బవరం వంటి డెడికేషన్ ఉన్న హీరోతో కలిసి నటించడం హ్యాపీగా ఉంది. ఆయన ఈ సినిమా కోసం ఎంతో శ్రద్ధ తీసుకున్నారు. టీమ్ కు ఎంకరేజ్ మెంట్ ఇచ్చారు. క సినిమా ప్రేక్షకులకు ఎప్పటికీ గుర్తుండిపోతుంది. అని చెప్పింది.
తన్వీ రామ్ మాట్లాడుతూ – ఈ చిత్రంలో రాధ అనే స్కూల్ టీచర్ పాత్రలో నటిస్తున్నాను. సత్యభామ, వాసుదేవ్ ల క్యారెక్టర్స్ తో నా రాధ క్యారెక్టర్ కు ఎలాంటి రిలేషన్ ఉంటుందో స్క్రీన్ మీద చూడాలి. రాధ, సత్యభామ,..ఈ ఇద్దరిలో వాసుదేవ్ జోడీ ఎవరన్నది కూడా సస్పెన్స్. ఈ కథ గురించి ఏమాత్రం రివీల్ చేసినా థియేటర్ లో థ్రిల్ మిస్ అవుతుంది. కిరణ్ అబ్బవరం మాకు చాలా రెస్పెక్ట్ ఇచ్చేవారు. నా క్యారెక్టర్ నైట్ షూట్స్ ఎక్కువగా ఉండేవి. క సినిమాకు నేను ఫేస్ చేసిన ఛాలెంజ్ ఇదే. అన్నారు.
