జ్యోతి పూర్వజ్ పేరు తెలుగు మూవీ లవర్స్, సీరియల్ వీక్షకులకు బాగా పరిచయం. ఆమె ప్రధాన పాత్రలో దర్శకుడు పూర్వాజ్ “కిల్లర్” అనే యాక్షన్ థ్రిల్లర్ మూవీని రూపొందిస్తున్నారు. ఈ రోజు “కిల్లర్” పార్ట్ 1 డ్రీమ్ గర్ల్ మూవీ నుంచి జ్యోతి పూర్వజ్ క్యారెక్టర్ ఫస్ట్ లుక్ తో పాటు మోషన్ పోస్టర్ రిలీజ్ చేశారు.
ఈ మోషన్ పోస్టర్ లో నేటితరం గృహిణి వుమెన్ రోబోగా మారడాన్ని చూపించారు. ఈ ట్రాన్సఫర్మేషన్ వెనక ఉన్న నేపథ్యం ఏంటి అనేది మోషన్ పోస్టర్ ద్వారా క్యూరియాసిటీ క్రియేట్ చేస్తోంది. రోబో డిజైన్ హాలీవుడ్ మూవీ స్టాండర్డ్ లో ఉంది. సూపర్ వుమెన్ గా మారిన జ్యోతి పూర్వజ్ కిల్లర్ మూవీలో ఏం చేయనుంది అనేది స్క్రీన్ మీదే చూడాలి. కిల్లర్ సినిమాతో డైరెక్టర్ పూర్వజ్ మరో సెన్సేషనల్ అటెంప్ట్ చేయబోతున్నాడని అనుకోవచ్చు.
కిల్లర్ సినిమాను ఏయు అండ్ఐ మరియు మెర్జ్ ఎక్స్ ఆర్ సంస్థతో కలిసి థింక్ సినిమా బ్యానర్ పై ఈ చిత్రాన్ని నిర్మిస్తున్నారు పూర్వాజ్ ప్రజయ్ కామత్, ఎ. పద్మనాభరెడ్డి ఈ కొలాబ్రేషన్ లో నిర్మాణమవుతున్న రెండవ చిత్రమిది. పూర్వాజ్ “కిల్లర్” చిత్రంలో ఓ కీలక పాత్రలో నటిస్తున్నారు.
