కుమారి 21ఎఫ్ తో తెలుగు ఆడియెన్స్ కు పరిచయమై..పలు సూపర్ హిట్ చిత్రాలతో హీరోయిన్ గా పేరు తెచ్చుకుంది హెబ్బా పటేల్. ఆమె నాయికగా నటిస్తున్న ఫ్యామిలీ ఎంటర్ టైనర్ “ధూం ధాం”. చేతన్ కృష్ణ హీరోగా నటించిన ఈ చిత్రాన్ని ఫ్రైడే ఫ్రేమ్ వర్క్స్ బ్యానర్ పై ఎంఎస్ రామ్ కుమార్ నిర్మిస్తున్నారు. దర్శకుడు సాయి కిషోర్ మచ్చా రూపొందిస్తున్నారు. గోపీ మోహన్ స్టోరీ స్క్రీన్ ప్లే అందిస్తున్నారు. ఈ నెల 8వ తేదీన ఈ సినిమా గ్రాండ్ థియేట్రికల్ రిలీజ్ కు రాబోతోంది. ఈ నేపథ్యంలో “ధూం ధాం” సినిమా హైలైట్స్ ఈ రోజు జరిగిన ఇంటర్వ్యూలో తెలిపింది హీరోయిన్ హెబ్బా పటేల్.
హీరోయిన్ హెబ్బా పటేల్ మాట్లాడుతూ – మంచి ఫ్యామిలీ ఎంటర్ టైనర్ మూవీ ఇది. ఈ మధ్య కాలంలో నేను అన్నీ సీరియస్ రోల్స్ చేస్తూ వస్తున్నాను. ఇలాంటి సినిమా నేను చేసి చాలా కాలమవుతోంది. నాకు రిఫ్రెషింగ్ గా ఉంటుందని అనిపించింది. “ధూం ధాం” సినిమాలో నా క్యారెక్టర్ పేరు సుహానా. తనొక బబ్లీ గర్ల్. బాగా డబ్బున్న అమ్మాయి. ఇంట్లో ఇచ్చిన ఫ్రీడమ్ వల్ల తను కోరుకున్న వెకేషన్ కు వెళ్తుంటుంది. అలా ఒక వెకేషన్ లో హీరోను కలుస్తుంది. అక్కడి నుంచి వారి స్నేహం, ప్రేమ మొదలవుతాయి. ఈ చిత్రంలో నటించడం కేక్ వాక్ లాంటి ఫీలింగ్ కలిగించింది. చేతన్ తో కలిసి నటించడం హ్యాపీగా ఉంది. ఫ్యామిలీ ఎమోషన్స్, లవ్, ఎంటర్ టైన్ మెంట్ తో “ధూం ధాం” సినిమా మిమ్మల్ని ఆకట్టుకుంటుంది. మంచి ఫీల్ గుడ్ చిత్రమిది. తప్పకుండా ఈ నెల 8న థియేటర్స్ కు వెళ్లి చూడండి. అని చెప్పింది.
