“క” సినిమా సక్సెస్ తో జోష్ మీదున్న యంగ్ హీరో కిరణ్ అబ్బవరం తన కొత్త సినిమా “దిల్ రూబా”ను ఆలస్యం చేయకుండా ప్రేక్షకుల ముందుకు తీసుకొచ్చేందుకు రెడీ అవుతున్నారు. షూటింగ్ కంప్లీట్ చేసుకున్న ఈ సినిమాను ఫిబ్రవరిలో రిలీజ్ చేయబోతున్నారు. ఈ రోజు టీజర్ కు డేట్ ఫిక్స్ చేశారు. జనవరి 3న “దిల్ రూబా” టీజర్ రిలీజ్ చేయబోతున్నట్లు మేకర్స్ ప్రకటించారు. ఈ సందర్భంగా రిలీజ్ చేసిన బ్రాండ్ న్యూ పోస్టర్ ఆకట్టుకుంటోంది. కిరణ్ అబ్బవరం ఫెరోషియస్ లుక్స్ లో ఉన్న “దిల్ రూబా” పోస్టర్ టీజర్ మీద క్యూరియాసిటీ క్రియేట్ చేస్తోంది.
“దిల్ రూబా” సినిమాలో రుక్సర్ థిల్లాన్ హీరోయిన్ గా నటిస్తోంది. ఈ చిత్రాన్ని శివమ్ సెల్యులాయిడ్స్ మరియు ప్రముఖ మ్యూజిక్ లేబుల్ సారెగమ తమ నిర్మాణ సంస్థ అయినటువంటి ఏ యూడ్లీ ఫిలిం సంయుక్తంగా నిర్మిస్తున్నాయి. రవి, జోజో జోస్, రాకేష్ రెడ్డి, సారెగమ నిర్మాతలుగా వ్యవహరిస్తున్నారు. విశ్వ కరుణ్ దర్శకత్వం వహిస్తున్నారు. లవ్, రొమాంటిక్ యాక్షన్ ఎంటర్ టైనర్ గా “దిల్ రూబా” సినిమా ప్రేక్షకుల్ని ఆకట్టుకోనుంది.
