హీరో కిరణ్ అబ్బవరం(Kiran Abbavaram) “క”(KA) సినిమా ప్రమోషన్స్ ఫుల్ స్వింగ్ లో జరుగుతున్నాయి. ఈ సినిమా నుంచి రిలీజ్ చేసి ప్రతి కంటెంట్ ఎగ్జైట్ చేస్తుండగా..ఇప్పుడు ట్రైలర్ రిలీజై హ్యూజ్ రెస్పాన్స్ తెచ్చుకుంటోంది. ఈ రోజు క సినిమా ట్రైలర్ ను మీడియాకు స్పెషల్ గా స్క్రీనింగ్ చేశారు. ఈ సందర్భంగా జరిగిన ప్రెస్ మీట్ కు కిరణ్ అబ్బవరం వెరైటీగా ఎంట్రీ ఇచ్చారు. సైకిల్ పై పోస్ట్ మ్యాన్ లా వచ్చి ఆకట్టుకున్నారు.
ఆయన సైకిల్ పై హీరోయిన్స్ తన్వీ రామ్(Tanvi ram), నయన్ సారిక(Nayan sarika) కూర్చొని ఫొటోస్ తీసుకున్నారు. రెగ్యులర్ గా కాకుండా ఇలా తన క్యారెక్టర్ అభినయ వాసుదేవ్ గెటప్ లో కిరణ్ అబ్బవరం మీడియా ముందుకు రావడం ఆకట్టుకుంది. క సినిమా ఈ నెల 31న తెలుగులో రిలీజ్ కు రానుంది. వారం రోజుల తర్వత కన్నడ, తమిళ, మలయాళంలో విడుదల చేయబోతున్నారు. ఈ రోజు జరిగిన ప్రెస్ మీట్ లో హీరో కిరణ్ అబ్బవరం మాట్లాడుతూ ప్రేక్షకులకు ఒక మంచి సినిమా చూపించాలనే కోరికతో క సినిమా చేసినట్లు తెలిపారు. కొత్త తరహా స్క్రీన్ ప్లేను తమ సినిమాలో చూస్తారని ఆయన గ్యారెంటీ ఇచ్చారు.
