బెల్లంకొండ సాయిశ్రీనివాస్ హిట్టు కొట్టి చాలా కాలం అయ్యింది అయినా తన చేతిలో నాలుగు ప్రాజెక్టులు ఉన్నాయి. భీమ్లా నాయక్ దర్శకుడు సాగర్ చంద్రతో టైసన్ నాయుడు అనే సినిమా చేస్తున్నాడు. కొన్ని కారణాల వల్ల దీని రిలీజ్ ఆలస్యం అవుతోంది. కుదిరితే ఫిబ్రవరిలో.. లేదంటే వేసవిలో ఈ టైసన్ నాయుడు చిత్రాన్ని రిలీజ్ చేయాలనుకుంటున్నారు. దీంతో పాటు తమిళ రీమేక్ అయిన భైరవం చిత్రాన్ని ఇప్పటికే అనౌన్స్ చేశారు. ఈ సినిమా నుంచి కూడా కొత్త పోస్టర్ రిలీజ్ చేశారు. వీటితో పాటు కొత్తగా శ్రీనివాస్ హీరోగా రెండు సినిమాలను అనౌన్స్ చేశారు.
ఇందులో 400 ఏళ్ల నాటి ఓ గుడి నేపథ్యంలో సాగే మిస్టిక్ థ్రిల్లర్ ఒకటి కాగా.. మరొకటి యాక్షన్ సినిమా. వీటిని కొత్త దర్శకులు నిర్మిస్తున్నారు. ఓ చిత్రాన్ని షైన్ స్క్రీన్స్ లాంటి పెద్ద నిర్మాణ సంస్థ ప్రొడ్యూస్ చేస్తోంది. టైసన్ నాయుడు చిత్రాన్ని కూడా 14 రీల్స్ లాంటి పేరున్న ప్రొడక్షన్ హౌసే నిర్మిస్తుంది. గ్యాప్ వస్తే వచ్చింది కానీ.. ఈ… ఏడాది మాత్రం శ్రీనివాస్ పేరు గట్టిగానే వినిపించేలా కనిపిస్తోంది. గ్యాప్ లేకుండా సినిమాలు చేయాలి.. కొత్తదనం ఉన్న సినిమాలు చేయాలని గట్టి ప్రయత్నమే చేస్తున్నాడు. మరి.. బెల్లంకొండ ప్రయత్నం ఎంత వరకు ఫలిస్తుందో చూడాలి.
