బాలకృష్ణ, డైరెక్టర్ బోయపాటి శ్రీను కాంబినేషన్ లో రూపొందుతోన్న మూవీ అఖండ 2. ఇప్పటి వరకు వీరిద్దరూ కలిసి సింహా, లెజెండ్, అఖండ మూడు సినిమాలు చేస్తే.. మూడు సినిమాలు బ్లాక్ బస్టర్స్ అయ్యాయి. ఇప్పుడు నాలుగోవ సినిమాతో బిగ్గెస్ట్ బ్లాక్ బస్టర్ సాధించడం కోసం పక్కా ప్లాన్ రెడీ చేస్తున్నారు బోయపాటి. ఇటీవల కుంభమేళలో కీలక సన్నివేశాలు చిత్రీకరించిన బోయపాటి ఇప్పుడు హైదరాబాద్, విజయవాడ సమీపంలోనూ కీలక సన్నివేశాలు చిత్రీకరించేందుకు ప్లాన్ చేస్తున్నారు.
వచ్చే నెల రెండో వారం నుంచి బాలకృష్ణపై రామోజీ ఫిల్మ్ సిటీలో అఘోర పాత్రకు సంబంధించిన ఎంట్రీ సన్నివేశాలను షూట్ చేస్తారని తెలిసింది. అందుకు సంబంధించిన సెట్స్ ను ప్రస్తుతం వేస్తున్నట్లు తెలుస్తోంది. ఈ క్రేజీ మూవీ కోసం ఇప్పటికే పలు కీలక పాత్రలకు ఇతర భాషల నటీనటులను తీసుకున్నారని తెలిసింది. ఈ సినిమాను 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట ప్రొడ్యూస్ చేస్తున్నారు. థమన్ ఈ సినిమాకు సంగీతం అందిస్తున్నారు. దసరాకు ఈ మూవీ థియేటర్స్ లోకి రానుంది.
