సూపర్ స్టార్ మహేశ్ బాబు బర్త్ డే ఎల్లుండి. ఆ రోజున తన కొత్త సినిమా నుంచి అప్ డేట్ ఎక్స్ పెక్ట్ చేస్తారు అభిమానులు. గతంలో ప్రతిసారీ ఇలా మహేశ్ బర్త్ డేకు ఆయన అప్ కమింగ్ మూవీ నుంచి ఏదో ఒక కొత్త రిలీజ్ ఉండేది. ఈసారి గుంటూరు కారం నుంచి ఓ పాటను విడుదల చేస్తారని ప్రచారం జరిగింది. అయితే ఇందులో నిజం లేదని తాజా సమాచారం. పాటను ఫైనలైజ్ చేయకపోవడం వల్ల రిలీజ్ ను ఆపుతున్నట్లు తెలుస్తోంది.
పాట ప్లేస్ లో ఓ న్యూ పోస్టర్ తో సినిమా నుంచి మహేశ్ కు బర్త్ డే విశెస్ చెప్పడానికి టీమ్ నిర్ణయించిందట. ఈ స్పెషల్ పోస్టర్ డిజైన్స్ సెలెక్ట్ చేసే పనిలో ఉన్నారట. ఈ న్యూస్ బయటకు వచ్చి అభిమానులు నిరాశపడుతున్నారు. పాటతో చూస్తే పోస్టర్ అంతగా ఎగ్జైట్ మెంట్ ఇవ్వదు. ఏది ఏమైనా మహేశ్ పుట్టినరోజున సోషల్ మీడియాలో హంగామాలో ఏమార్పు ఉండదని అనుకోవచ్చు. గుంటూరు కారం సినిమాను దర్శకుడు త్రివిక్రమ్ రూపొందిస్తున్నారు. హారికా హాసినీ క్రియేషన్స్ సంస్థ నిర్మిస్తోంది. శ్రీలీల, మీనాక్షి చౌదరి హీరోయిన్స్ గా నటిస్తున్నారు. వచ్చే సంక్రాంతికి ఈ సినిమాను విడుదల చేయాలని అనుకుంటున్నారు.
