బాలీవుడ్ బాక్సాఫీస్ వద్ద సెన్సేషనల్ హిట్ గా మారింది గదర్ 2. సన్నీ డియోల్, అమీషా పటేల్ జంటగా నటించిన ఈ సినిమా ఇప్పటిదాకా 400 కోట్ల రూపాయల వసూళ్లు సాధించింది. ఇప్పటికే పలు రికార్డులు ఈ సినిమాతో బద్దలవగా..ఇప్పుడు బాహుబలి 2 రికార్డ్ మీద కన్నేసిందీ సినిమా. 2017 ఏప్రిల్ 28న రిలీజైన బాహుబలి 2 బాలీవుడ్ బాక్సాఫీస్ దగ్గర 510 కోట్ల రూపాయలు కలెక్ట్ చేసి సెకండ్ హయ్యెస్ట్ గ్రాస్ మూవీగా నిలించింది. మరో 110 కోట్ల రూపాయల కలెక్షన్స్ సాధిస్తే బాహుబలి 2 రికార్డ్ ఎగిరిపోయినట్లే.
ట్రేడ్ వర్గాల అంచనా ప్రకారం మరో నాలుగైదు రోజుల్లో గదర్ 2 బాహుబలి రికార్డ్ కు చెక్ పెడుతుందని అంటున్నారు. రోజుకు 30 కోట్ల రూపాయకు పైగా వసూలు చేస్తూ వస్తోందీ సినిమా. ఈ లెక్కన మరో 110 కోట్ల రూపాయలు రాబట్టడం కష్టమేం కాకపోవచ్చు. ఇక గదర్ 2 అసలు టాస్క్ పఠాన్ రికార్డులు బ్రేక్ చేయడంపైనే ఉంది. ఈ జనవరిలో రిలీజైన షారుఖ్ ఖాన్ పఠాన్ 524 కోట్ల రూపాయల వసూళ్లు దక్కించుకుంది. గదర్ 2 రన్ సక్సెస్ పుల్ గా కొనసాగితే ఈ రికార్డ్ ను అధిగమించే అవకాశాలున్నాయి.
