సూపర్ స్టార్ మహేష్ బాబు, మాటల మాంత్రికుడు త్రివిక్రమ్ శ్రీనివాస్ కాంబినేషన్లో రూపొందుతోన్న భారీ, క్రేజీ మూవీ గుంటూరు కారం. ఈ చిత్రాన్ని ప్రముఖ నిర్మాణ సంస్థ హారిక అండ్ హాసిని సంస్థ నిర్మిస్తుంది. అయితే.. ఆగష్టు 9న మహేష్ బాబు పుట్టినరోజు. ఈ సందర్భంగా ఈ మూవీ నుంచి ఫస్ట్ సింగిల్ రిలీజ్ చేయాలి అనుకున్నారు. థమన్ ముంబాయి వెళ్ళి ఓ సాంగ్ రికార్డింగ్ చేయించడం.. ఆ సాంగ్ ను విదేశాల్లో ఉన్న మహేష్ బాబుకు పంపించడం జరిగింది. అయితే.. ఏమైందో ఏమో కానీ.. ఫస్ట్ సింగిల్ మాత్రం రిలీజ్ చేయడం లేదని తెలిసింది.
మరి.. మహేష్ బర్త్ డేకి అప్ డేట్ ఏం ఇవ్వనున్నారంటే.. కొత్త పోస్టర్ రిలీజ్ చేయనున్నారని సమాచారం. థమన్ వర్క్ విషయంలో మహేష్ ఫస్ట్ నుంచి అసంతృప్తితో ఉన్నాడు. అందుకనే థమన్ రెడీ చేసిన సాంగ్ కు ఓకే చెప్పలేదని టాక్. ఈ చిత్రానికి సంగీత దర్శకుడిగా చాలా మంది పేర్లు వినిపించాయి కానీ.. ఇప్పటి వరకు థమన్ అయితే వర్క్ చేస్తున్నాడు. మహేష్ విదేశాల నుంచి వచ్చిన తర్వాత తాజా షెడ్యూల్ స్టార్ట్ చేయనున్నారు. ఈ క్రేజీ చిత్రాన్ని సంక్రాంతికి విడుదల చేసేందుకు ఏర్పాట్లు చేస్తున్నారు. అతడు, ఖలేజా చిత్రాల తర్వాత మహేష్, త్రివిక్రమ్ కలిసి చేస్తున్న మూవీ కావడంతో గుంటూరు కారం పై భారీ అంచనాలు ఉన్నాయి.
