పాన్ ఇండియా స్టార్ ప్రభాస్ హీరోగా మహానటి ఫేమ్ నాగ్ అశ్విన్ తెరకెక్కిస్తోన్న పాన్ వరల్డ్ మూవీ కల్కి. ఇందులో బిగ్ బి అమితాబ్, యూనివర్శిల్ హీరో కమల్ హాసన్ కీలక పాత్రలు పోషిస్తున్నారు. ఇటీవల యు.ఎస్ లో ఈ మూవీ టైటిల్ అండ్ టీజర్ రిలీజ్ చేయడం.. దీనికి ట్రెమండస్ రెస్పాన్స్ రావడం తెలిసిందే. దీంతో కల్కి మూవీ పై మరింతగా అంచనాలు ఏర్పడ్డాయి. అయితే.. ఈ సినిమాలో ఓ పాత్ర కోసం దుల్కర్ సల్మాన్ ని తీసుకున్నారని వార్తలు వస్తున్నాయి. దుల్కర్ తో వైజయంతీ మూవీస్ సీతారామమ్ అనే సినిమాను నిర్మించింది.
ఈ సినిమా బ్లాక్ బస్టర్ అయ్యింది. అప్పటి నుంచి వైజయంతీ సంస్థతో దుల్కర్ కు మంచి అనుబంధం ఏర్పడింది. తాజాగా దుల్కర్ కింగ్ ఆఫ్ కోత అనే సినిమా చేశాడు. ఈ మూవీ ప్రీ రిలీజ్ ఈవెంట్ జరిగింది. ఈ వేడకలో కల్కి ప్రస్తావన వచ్చింది. ఇందులో మీరు నటిస్తున్నారా..? అని అడిగితే.. ఈ ప్రశ్నకు డైరెక్ట్ గా సమాధానం చెప్పలేదు కానీ.. ఈ విషయం గురించి నేను మాట్లాడకూడదు.. చిత్రబృందమే చెప్పాలి అన్నారు. కాకపోతే కల్కి వేరే లెవెల్లో ఉండబోతుందని.. ఈ ఐడియా నాగ్ అశ్విన్ కి తప్పా మరెవ్వరికీ సాధ్యం కాదు అని చెప్పాడు. కథ గురించి.. అందులోని స్పెషాలిటీ గురించి మాట్లాడాడంటే… కల్కిలో దుల్కర్ ఉన్నట్టే అనే టాక్ వినిపిస్తోంది.
