హీరో కిరణ్ అబ్బవరం లెటెస్ట్ సెన్సేషన్ “క” సినిమా తెలుగులో ఘన విజయాన్ని సాధించిన నేపథ్యంలో ఇతర భాషల్లో మంచి క్రేజ్ ఏర్పడుతోంది. ఇతర భాషల ఆడియెన్స్ తమ దగ్గరా ఈ మూవీ రావాలని కోరుకుంటున్నారు. ఈ నేపథ్యంలో క సినిమా మలయాళ రిలీజ్ కు రెడీ అయ్యింది. ఈ నెల 22న మలయాళంలో స్టార్ హీరో దుల్కర్ సల్మాన్ వేఫరర్ ఫిలింస్ ద్వారా గ్రాండ్ గా విడుదల కాబోతోంది.
“క” సినిమాలో తన్వీరామ్, నయన్ సారిక హీరోయిన్స్ గా నటించారు. దర్శకద్వయం సుజీత్, సందీప్ ఈ సినిమాను రూపొందించారు. “క” సినిమాను శ్రీమతి చింతా వరలక్ష్మి సమర్పణలో శ్రీచక్రాస్ ఎంటర్ టైన్ మెంట్స్ తో బ్యానర్ పై చింతా గోపాలకృష్ణ రెడ్డి భారీ ప్రొడక్షన్ వ్యాల్యూస్ తో నిర్మించారు. తెలుగులో ప్రొడ్యూసర్ వంశీ నందిపాటి రిలీజ్ చేశారు. ఆడియెన్స్ నుంచి సూపర్బ్ రెస్పాన్స్ తో “క” సినిమా సక్సెస్ ఫుల్ గా సెకండ్ వీక్ ప్రదర్శితమవుతోంది.
