పూరి ఒకప్పుడు హిట్లు, సూపర్ హిట్లు, ఇండస్ట్రీ హిట్లు ఇచ్చాడు. అలాగే ప్లాపులు.. డిజాస్టర్లు కూడా ఇచ్చాడు. అయితే.. ఒకప్పుడు హీరోలు పూరితో ఒక్క సినిమా అయినా చేయాలని తపించేవారు. ఆయన తన సినిమాల్లో హీరోలను చాలా కొత్తగా చూపిస్తుంటారు. ఇంకా చెప్పాలంటే.. హీరో క్యారెక్టరైజేషన్ తో సినిమా నడిపించేస్తుంటారు. యూత్ కి బాగా కనెక్ట్ అయ్యేలా సినిమాలు తీస్తుంటారు. అయితే.. ఈమధ్య పూరి బాగా వెనకబడ్డాడు. దీంతో పూరితో సినిమా చేసేందుకు హీరోలు ఇంట్రెస్ట్ చూపించడం లేదని ఇండస్ట్రీలో గుసగుసలు వినిపిస్తున్నాయి.
సిద్దు జొన్నలగడ్డ, విశ్వక్ సేన్, గోపీచంద్ లకు పూరి కథ చెప్పాడని.. వీళ్లతో సినిమాలు ఫిక్స్ అంటూ ప్రచారం అయితే జరిగింది కానీ.. ఎలాంటి అప్ డేట్ బయటకు రాలేదు. పూరి మల్టీస్టారర్ స్టోరీ రెడీ చేశాడట. ఈ మల్టీస్టారర్ స్టోరీలో నటించే హీరోలు ఎవరంటే.. పూరి తనయుడు ఆకాష్ పేరు వినిపిస్తోంది. మరో హీరో ఎవరు అనేది తెలియాల్సివుంది. మొత్తానికి యంగ్ హీరోలతో మల్టీస్టారర్ చేయాలి అనుకుంటున్నాడట పూరి. ఆకాష్ ను హీరోగా పరిచయం చేయడం.. మంచి పర్ ఫార్మర్ అనిపించుకున్నాడు. ఇప్పుడు పూరి జగన్నాథ్, ఆకాష్ కాంబోలో మూవీ వస్తే ఆ సినిమాకు మంచి క్రేజ్ ఏర్పడుతుందని అనుకోవచ్చు.
