సూపర్ స్టార్ రజినీకాంత్ నటిస్తోన్న భారీ, క్రేజీ మూవీ కూలీ. ఈ మూవీకి లోకేష్ కనకరాజ్ డైరెక్టర్. ఇందులో నాగార్జున నటిస్తున్నారు. ఇప్పుడు ఈ సినిమాలో బాలీవుడ్ స్టార్ అమీర్ ఖాన్ కూడా నటించనున్నాడనేది కోలీవుడ్ టాక్. అమీర్ ఖాన్ కూలీ మూవీలో నటించడం రూమర్ అని కొందరు, నిజమని మరికొందరు అంటున్నారు. ఇదే ప్రశ్న లోకేష్ కనకరాజ్ ను అడిగితే ఏం చెప్పాడో చూద్దాం.
కూలీలో అమీర్ ఖాన్ నటించడం గురించి ఓ ఇంటర్వ్యూలో లోకేష్ కనకరాజ్‌ను అడిగితే.. సూటిగా సమాధానం చెప్పలేదు. సినిమాకు సంబంధించి ఏ అప్ డేట్ అయినా అధికారికంగా ప్రొడక్షన్ హౌస్ నుంచే రావాలని.. తాను రివీల్ చేయలేనని చెప్పాడు. అయితే.. వేరే రాష్ట్రం లేదా దేశానికి చెందిన ఒక స్పెషల్ వ్యక్తి ఈ చిత్రంలో నటిస్తుండొచ్చు అంటూ అమీర్ క్యామియో గురించి చెప్పకనే చెప్పాడు లోకేష్. దీనిని బట్టి అమీర్ ఖాన్ నటించడం అనేది కన్ ఫర్మ్ అంటూ మరింతగా ప్రచారం ఊపందుకుంది. ఇక స్టార్ హీరోలను తీసుకోవడం గురించి లోకేష్ స్పందిస్తూ.. ఇదేదో కావాలని తీసుకోవడం కాదు.. ప్రతి ఒక్క క్యారెక్టర్ కథకు అనుగుణంగానే ఉంటుందని చెప్పాడు. ఈ మూవీ పై ఇటు టాలీవుడ్, అటు కోలీవుడ్ లో అంచనాలు భారీగా ఉన్నాయి. మరి.. ఏ రేంజ్ సక్సెస్ సాధిస్తారో చూడాలి.
