డైరెక్టర్ గౌతమ్ తిన్ననూరి బర్త్ డేను గ్రాండ్ గా సెలబ్రేట్ చేశారు “కింగ్ డమ్” మూవీ టీమ్. ప్రస్తుతం ఈ సినిమా ఫైనల్ షెడ్యూల్ షూటింగ్ జరుపుకుంటోంది. ఈ సెట్ లో హీరో విజయ్ దేవరకొండ, మిగతా మూవీ టీమ్ గౌతమ్ తిన్ననూరి పుట్టినరోజు వేడుకలు జరిపారు. ఈ ఫొటోస్ ను విజయ్ దేవరకొండ సోషల్ మీడియా ద్వారా షేర్ చేశారు.
తన ట్వీట్ లో విజయ్ స్పందిస్తూ “కింగ్ డమ్” సినిమా షూటింగ్ లో ప్రతి రోజూ ఎంజాయ్ చేశామని, ఒక గొప్ప కథను ప్రేక్షకులకు చెప్పబోతున్నామని తెలిపారు. “కింగ్ డమ్” చిత్రాన్ని శ్రీకర స్టూడియోస్ సమర్పణలో సితార ఎంటర్ టైన్ మెంట్స్, ఫార్చూన్ ఫోర్ సినిమాస్ బ్యానర్స్ పై నాగవంశీ, సాయి సౌజన్య భారీ పాన్ ఇండియా చిత్రంగా నిర్మిస్తున్నారు. ఈ సినిమా మే 30న ఈ సినిమా వరల్డ్ వైడ్ గ్రాండ్ థియేట్రికల్ రిలీజ్ కు రెడీ అవుతోంది.
