అల్లు అర్జున్, అట్లీ ఇద్దరూ కలిసి ఎప్పటి నుంచో సినిమా చేయాలి అనుకుంటున్నారు కానీ.. కుదరలేదు. అయితే.. రెమ్యూనరేషన్ విషయంలో డిఫరెన్స్ రావడం వలన ఈ ప్రాజెక్ట్ సెట్ కాలేదని టాక్ వినిపించింది. ఆతర్వాత ప్రాజెక్ట్ సెట్ కాకపోవడానికి కారణం రెమ్యూనరేషన్ కాదని.. అట్లీ దగ్గర మల్టీస్టారర్ స్టోరీ ఉందని.. అల్లు అర్జున్ ఇప్పట్లో మల్టీస్టారర్ చేయాలి అనుకోవడం లేదని టాక్. అందుకే ఈ మల్టీస్టారర్ స్టోరీకి నో చెప్పాడట. ఇక అప్పటి నుంచి అట్లీ ఈ మల్టీస్టారర్ మూవీని ఎవరితో చేస్తాడు అనేది ఆసక్తిగా మారింది. సౌత్ హీరో, నార్త్ హీరో కాంబోలో ఈ క్రేజీ మూవీ చేయడానికి ప్లాన్ చేస్తున్నాడని తెలిసింది.
అట్లీ మల్టీస్టారర్ అప్ డేట్ ఏంటంటే.. కోలీవుడ్ సూపర్ స్టార్ రజినీకాంత్, బాలీవుడ్ కండలవీరుడు సల్మాన్ ఖాన్ వీరిద్దరి కాంబోలో ఈ మూవీ చేయాలి అనుకుంటున్నాడట. ఆమధ్య కమల్ పేరు వినిపించింది కానీ.. రజినీని ఫైనల్ చేశారని టాక్ వినిపిస్తోంది. ఈ వార్త ప్రచారంలోకి వచ్చినప్పటి నుంచి ఈ క్రేజీ మల్టీస్టారర్ ఇటు కోలీవుడ్, అటు బాలీవుడ్ లో హాట్ టాపిక్ అయ్యింది. ప్రస్తుతం ప్రీ ప్రొడక్షన్ వర్క్ జరుగుతోంది. త్వరలోనే ఈ సినిమాను అఫిషియల్ గా అనౌన్స్ చేయనున్నారని సమాచారం. జవాన్ మూవీతో బ్లాక్ బస్టర్ సాధించడంతో అట్లీ నెక్ట్స్ మూవీ పై భారీగా అంచనాలు ఉన్నాయి.
