ప్రముఖ నిర్మాత దిల్ రాజు బాలీవుడ్ స్టార్ ఆమిర్ ఖాన్ తో సినిమా చేసే సన్నాహాల్లో ఉన్నారు. దర్శకుడు వంశీ పైడిపల్లి ఒక కథ సిద్ధం చేసుకున్నాడు, ఆ కథ నచ్చిన దిల్ రాజు ఆమిర్ ఖాన్ కు చెప్పేందుకు అప్పాయింట్ మెంట్ తీసుకున్నారట. ఆమిర్ ను కలిసి ఈ కథ నెరేట్ చేయాలని ప్లాన్ చేస్తున్నారు. ఆమిర్ ఖాన్ కు కథ నచ్చితే వంశీ పైడిపల్లి డైరెక్షన్ లో మరో భారీ పాన్ ఇండియా మూవీ చేసేందుి దిల్ రాజు సిద్ధమవుతున్నారట.
వంశీ పైడిపల్లితో దిల్ రాజు ఇప్పటికే మూడు చిత్రాలు ప్రొడ్యూస్ చేశారు. ప్రభాస్ హీరోగా మున్నా, ఎన్టీఆర్ హీరోగా బృందావనం, విజయ్ తో తమిళ్, తెలుగు బైలింగ్వల్ మూవీ వారసుడు నిర్మించారు. ఆమిర్ ఖాన్ తో సినిమా ఓకే అయితే వీరి కాంబోలో నాలుగో మూవీ కానుంది. అయితే ఆమిర్ ఖాన్ ఇప్పుడు ఫామ్ లో లేరు. ఆయన లాల్ సింగ్ చద్దా మూవీ ఫ్లాప్ తర్వాత బ్రేక్ తీసుకున్నారు. మరి ఈ ప్రాజెక్ట్ కు గ్రీన్ సిగ్నల్ ఇస్తాడా అనేది ఆసక్తికరంగా మారింది.
